Es isch doch nume no chli Maske
Nume chli Kontroue über d’Masse
Es isch doch nume no chli Isolation
Nume no es birrebitzli Manipulation
Es geit hie schliesslech um d’Morau
Lueg, es steit doch überau
Ach, das si nume paar Plakat
Nur e ganze Wärbe-Apparat
Nume no chli länke
Nume no es bitzli für öich dänke
Mir müesse d Zähn itz zämebisse
Mir müesse no paar Kritiker verrisse
Es isch doch nume bitz Zensur
Es isch zu öichem Beschte, gloubets nur
Es isch doch nume no chli Druck
Wärdet doch nid so verruckt
Es isch nume no chli meh
Das tuet itz niemerem meh weh
Es si nume öichi Chind
Ouge zue, de isch es o nid schlimm
Es si doch nume e paar Beize
Mir müesse doch das Thema nid usreize
Es isch nume bitz Kultur
Es isch doch aues wükech nume nur
Es isch itz aues absehbar
E Wuche, e Monet, ups, es Jahr
Es si nume no paar Tage
Müesst euch wükech nid beklage
Es isch nume öiches Läbe
Da müessemer itz no chli zämehäbe
Es isch doch nume no chli Spautig
Es hei haut äbe nid au di rächti Hautig
Es isch doch nume nochli Numeno
Und irgendwenn cha niemer meh drumume cho
Es isch doch nur e chline Pass
Nume nur e chline Gspass
Nume nur e chline Pieks
U de isches de verbi
Es isch nume chli Erpressig
Blibet aui gsund u gueti Bessrig
